મહારાષ્ટ્રમાં એકનાથ શિંદે સરકારના મંત્રીમંડળનું વિસ્તરણ,18 મંત્રી બન્યા

18 મંત્રીનો સમાવેશ, શિંદે અને ભાજપમાંથી 9-9 ધારાસભ્યોને મંત્રી બનાવવામાં આવ્યાં, એક પણ મહિલાનો સમાવેશ નહીં

મહારાષ્ટ્રમાં એકનાથ શિંદે સરકારની રચનાના 40 દિવસ બાદ આખરે મંગળવારે કેબિનેટનું વિસ્તરણ કરવામાં આવ્યું હતું. 18 ધારાસભ્યોને મંત્રી બનાવવામાં આવ્યા છે. ભાજપ અને શિંદે જૂથના 9-9 ધારાસભ્યોએ રાજભવનમાં મંત્રી તરીકે શપથ લીધા છે. શપથ લેનાર ધારાસભ્યોને કેબિનેટનો દરજ્જો આપવામાં આવ્યો છે. હાલમાં આ વિસ્તરણમાં અપક્ષ ધારાસભ્યોને તક આપવામાં આવી નથી. તેમજ તે પુરૂષ પ્રભુત્વ ધરાવતી કેબિનેટ છે. જેમાં એકપણ મહિલાને મંત્રી બનાવવામાં આવી નથી.