ત્રિપુરા, મેઘાલય, નાગાલેન્ડમાં ચૂંટણીની તારીખો જાહેર

ત્રિપુરામાં 16 ફેબ્રુઆરી, મેઘાલય અને નાગાલેન્ડમાં 27 ફેબ્રુઆરીએ ચૂંટણી યોજાશે; ત્રણેય રાજ્યોમાં 62.8 લાખ મતદારો મતદાન કરવા ઉત્સુક

નવી દિલ્હી

પૂર્વોતરનાં ત્રણ રાજ્યો ત્રિપુરા, મેંઘાલય અને નાગાલેન્ડમાં વિધાનસભાની ચૂંટણી માટે કાર્યક્રમની બુધવારે જાહેરાત કરવામાં આવી હતી. મુખ્ય ચૂંટણી કમીશનર રાજીવ કુમારે કાર્યક્રમની જાહેરાત કરી હતી. ત્રિપુરમાં 16મી ફેબ્રુઆરી અને મેઘાલય અને નાગાલેન્ડમાં 27મી ફેબ્રુઆરપીના દિવસે મતદાન થશે. ત્રણેય રાજ્યોમાં મતગણતરી બીજી માર્ચના દિવસે યોજાશે. ત્રણેય રાજ્યોમાં 60-60- સભ્યોની વિધાનસભા છે. ત્રણેય રાજ્યોમાં કુલ 62.8 લાખ મતદારો છે. નાગાલેન્ડમાં 13.09 લાખ, મેઘાલયમાં 21.61 લાખ અને ત્રિપુરામાં 28.13 લાખ મતદારો છે.