എക്സിനെ മുൾമുനയിൽ നിർത്തി കേന്ദ്രം

ഒരാഴ്ച്ചയായി ഫ്ളൈറ്റുകൾക്ക് ബോംബ് ഭീഷണി

ന്യൂഡൽഹി : കഴിഞ്ഞ കുറച്ച് ദിവസങ്ങളായി വിമാനക്കമ്പനികൾക്ക് ലഭിച്ച ബോംബ് ഭീഷണിയുടെ സാഹചര്യത്തിൽ കേന്ദ്ര ഇലക്ട്രോണിക്സ് ആൻഡ് ഐടി മന്ത്രാലയം സോഷ്യൽ മീഡിയ പ്ലാറ്റ്ഫോമായ എക്സിനെ മുൾമുനയിൽ നിർത്തിപ്പൊരിച്ചു.

ജോയിന്റ് സെക്രട്ടറി സങ്കേത് എസ് ബോണ്ട് എയർലൈനുകളുടെയും എക്സ്, മെറ്റ് തുടങ്ങിയ സോഷ്യൽ മീഡിയ പ്ലാറ്റ്ഫോമുകളുടെയും പ്രതിനിധികളുമായി വെർച്വൽ മീറ്റിംഗ് നടത്തി. ഇത് പ്രേരണാകുറ്റത്തിന് തുല്യമാണെന്ന് പറഞ്ഞ അദ്ദേഹം. അത്തരം ഭയപ്പെടുത്തുന്ന കിംവദന്തികൾ പടരുന്നത് തടയാൻ സ്വീകരിച്ച നടപടികളെക്കുറിച്ച് അതിന്റെ പ്രതിനിധികളെ ചോദ്യം ചെയ്തതായും റിപ്പോർട്ടുകൾ പറയുന്നു. കഴിഞ്ഞ കുറച്ച് ദിവസങ്ങളായി ഇന്ത്യൻ വിമാനക്കമ്പനികൾ നടത്തുന്ന 120 ലധികം വിമാനങ്ങൾക്ക് ബോംബ് ഭീഷണിയുണ്ട്. ഇന്നലെ പോലും ഇൻഡിഗോ, വിസ്താര, എയർ ഇന്ത്യ എന്നിവയുടെ 30 വിമാനങ്ങൾക്ക് ഇത്തരത്തിൽ ഭീഷണിയുണ്ടായി.