ഐപിഎൽ ആവേശം

തിളങ്ങാൻ പുതുമുഖ ക്യാപ്റ്റൻസ്

കൊൽക്കത്ത: ഇന്ത്യൻ പ്രീമിയർ ലീഗ് ആവേശപ്പോര് തുടങ്ങാൻ ഇനി ഒരു നാൾ മാത്രം . എപ്പോഴത്തെയും പോലെ ചില മാറ്റങ്ങളുമായാണ് ടീമുകൾ എത്തുന്നത്. ഐപിഎല്ലിലെ 10 ടീമുകളിൽ അഞ്ച് ടീമുകളാണ് ഇക്കുറി പുതിയ ക്യാപ്റ്റൻമാരുമായാണ് എത്തുന്നത്. ഐപിഎല്ലിലെ ഇത്തവണത്തെ ക്യാപ്റ്റൻമാരെല്ലാവരും ഒരർഥത്തിൽ പുതുമുഖങ്ങളാണെന്നു തന്നെ പറയാം. ഐപിഎല്ലിൽ കിരീടം നേടി മുംബൈ ഇന്ത്യൻസിൻറെ ഹാർദ്ദിക് പണ്ഡ്യയ്ക്കും പഞ്ചാബിൻറെ ശ്രേയസ് അയ്യർക്കും മാത്രമേ പരിചയമുള്ളു. ഇരുവരും ഐപിഎൽ കിരീടം നേടിയത് മുൻ ഫ്രാഞ്ചൈസികൾക്ക് വേണ്ടിയാണ് എന്നുള്ളതിനാൽ എല്ലാവരും ആദ്യ കിരീടം തേടി ഇറങ്ങുന്നു എന്ന് വേണമെങ്കിൽ പറയാം. പക്ഷേ, ക്യാപ്റ്റൻമാരെല്ലാവരും കരുത്തുറ്റവരാണ്.