ચાંદી રેકોર્ડ તેજી સાથે આજે ભાવ ઓલટાઈમ હાઈ

ચાંદી એક લાખની સપાટી ક્રોસ કરે તેવી શક્યતા અમદાવાદ હાજર બજારમાં સોનાની કિંમત આજે નજીવી રૂ. ૨૦૦ વધી રૂ. ૭૪૦૫૦ પ્રતિ ૧૦ ગ્રામ નોંધાઈ

સોના કરતાં ચાંદીમાં રેકોર્ડ તેજીનો દોર જારી રહ્યો છે. વૈશ્વિક બજારોની સથવારે આજે સ્થાનીય બજારમાં ચાંદી રૂ. ૯૪૦૦૦ પ્રતિ કિગ્રાની સર્વોચ્ચ ટોચે પહોંચી છે. અમદાવાદ હાજર બજાર માં સોનાની કિંમત આજે નજીવી રૂ. ૨૦૦ વધી રૂ. ૭૪૭૫૦ પ્રતિ ૧૦ ગ્રામ નોંધાઈ છે. જ્યારે ચાંદીમાં રૂ.૧૦૦૦નો ઉછાળો નોંધાઈ ભાવ કિગ્રાદીઠ રૂ. ૯૪૦૦૦ની ઐતિહાસિક ટોચે પહોંચ્યો છે. અગાઉ ૨૨ મેના રોજ રૂ. ૯૩૦૦૦ની ટોચ નોંધાવી હતી. અમદાવાદ ચોક્સી મહાજનના હેમંત સથવારાના જણાવ્યા પ્રમાણે, સ્થાનિક બજારોમાં રોજ નવા રેકોર્ડ ભાવના કારણે ઘરાકી મંદ રહી છે.