રાજ્યમાં હજુ ત્રણ દિવસ વરસાદી આફતનો ખતરો !

ગુજરાતમાં તમામ તંત્રને ખડેપગે રહેવાના આદેશ અપાયો ગુજરાતમાં છેલ્લાં ત્રણ દિવસોથી અત્ર તત્ર સર્વત્ર પાણી જ પાણી : સૌરાષ્ટ્ર તેમજ દક્ષિણ ગુજરાતનાં અનેક જિલ્લાઓ જળમગ્ન, દ્વારકા છેલ્લાં ૨૪ કલાકમાં ૨૦ ઇંચ તો જામનગર, ખેડા સહીત અનેક વિસ્તારોમાં બારે મેઘ ખાંગા થતાં જનજીવન અસ્તવ્યસ્ત રાજ્યમાં ૨૦મીના મંગળવારે ચોમાસાની મોસમનો સરેરાશ વરસાદ ૧૦૦ ટકાને પાર થઈ ગયો ! અવિરત વરસાદને લઈને અનેક ગામો પાણીમાં ગરકાવ થયા

રાજ્યમાં ભારે વરસાદને કારણે સર્જાયેલી કપરી પરિસ્થિતિમાં વહિવટી તંત્ર દ્વારા હાથ ધરાયેલી કામગીરી અને બચાવ રાહત પગલાં અંગે ઈમરજન્સી સમીક્ષા સ્ટેટ ઈમરજન્સી ઓપરેશન સેન્ટરથી મુખ્યસચિવ રાજકુમાર, મુખ્યમંત્રીના અધિક મુખ્ય સચિવ પંકજ જોષી, એમ.કે.દાસ સહિત મહેસુલ, ઊર્જા, આરોગ્ય, અને અન્ય સંબંધિત વિભાગોના વરિષ્ઠ સચિવોની ખાસ ઉપસ્થિતિમાં મુખ્યમંત્રી ભૂપેન્દ્ર પટેલે વીડિયો કોન્ફરન્સથી કરી હતી.