અમિતાભ બચ્ચન! કે જેણે નાના મોટા સર્વમાં લોકપ્રિયતાનો જુવાળ અકબંધ રાખ્યો છે

આજનો યુગ બાહ્ય એટીટ્યુડમાં જીવનારો હોવાથી લોકો સેલિબ્રિટીની નકલ કરતાં દેખાય છે. એવાં સદીનાં મહાનાયક કહેવાતા અમિતાભ બચ્ચનનો જન્મદિવસ હતો, અને એમણે ૮૨ વર્ષ પુરા કર્યા! સમાજનો નાનામાં નાનો વર્ગ તેને પસંદ કરે છે, તેને ચાહે છે. લોક હૃદય માં સ્થાન મેળવવા માટે એણે પણ ઘણો સંઘર્ષ કર્યો છે.

- ફાલ્ગુની વસાવડા

અમિતાભ બચ્ચન એક એવું વ્યક્તિત્વ છે, જે ભારતની સાથે-સાથે વિદેશમાં પણ ખૂબ જ પ્રખ્યાત છે, દરેક વર્ગના માણસો, બાળક હોય કે વૃદ્ધ, બધા જ તેમને ખૂબ પસંદ કરે છે.

આજનો યુગ એટીટ્યુડમાં જીવનારો હોવાથી બાહ્ય લોકો સેલિબ્રિટીની નકલ કરતાં દેખાય છે. સેલિબ્રિટી જેવા ચશ્મા, સેલિબ્રિટી જેવા કપડાં, એમના જેવા જૂતાં, કે ચપ્પલ પણ ખરીદે છે. આજે તો પદ પ્રતિષ્ઠા અને પ્રસિદ્ધિ બધું જ રુપિયાથી મળી જાય છે, અરે સભા સરઘસમાં ભીડ પણ ખરીદાય છે, અને ચૂંટણીમાં પણ દાવેદાર વેંચાય કે ખરીદાય છે. એટલે એમ કહી શકાય કે રુપિયાથી બધું જ થાય! પણ એક વસ્તુ રુપિયાથી ખરીદી શકાતી નથી, અને એ છે લોકપ્રિયતા! ૧૧ ઓક્ટોબર એ સમાજમાં આજે પણ જેણે લોકપ્રિયતાનો જુવાળ અકબંધ રાખ્યો છે, એવાં સદીનાં મહાનાયક કહેવાતા શ્રી અમિતાભ બચ્ચનનો જન્મદિવસ હતો, અને એમણે ૮૨ વર્ષ પુરા કર્યા! સમાજનો નાનામાં નાનો વર્ગ તેને પસંદ કરે છે, તેને ચાહે છે. લોક હૃદયમાં સ્થાન મેળવવા માટે એણે પણ ઘણો સંઘર્ષ કર્યો છે.