અરજદાર, કર્મચારી-અધિકારીએ પણ હેલ્મેટ પહેરવું પડશે અમદાવાદ આરટીઓમાં હેલ્મેટ વગર આવનારા લોકો સામે કાર્યવાહી કરાશે

અમદાવાદ આરટીઓમાં રોજના મોટી સંખ્યામાં અરજદારો લાઈસન્સ, આર.સી. બુક સહિતના અનેક કામો માટે આવતા હોય છે

હવે અમદાવાદ આરટીઓ કચેરી ખાતે કોઈ કામકાજ માટે જવાનું થાય તો ટુ વ્હીલર પર ફરજિયાત હેલ્મેટ પહેરીને જજો. જો હેલ્મેટ વગર આરટીઓમાં ગયા તો તમારી સામે દંડની કાર્યવાહી કરાશે. અમદાવાદ આરટીઓએ આ અંગે કાર્યવાહી કરવા તમામ અધિકારીઓને સૂચના આપી છે. માત્ર અજદારો જ નહીં, પરંતુ આરટીઓ કચેરીમાં ફરજ બજાવતા કર્મચારીઓ પણ હેલ્મેટ વગર કચેરી ખાતે આવશે તો તેમની સામે પણ કાર્યવાહી કરાશે. આમ, હવે રાજ્યની અન્ય કચેરીઓની જેમ અમદાવાદ આરટીઓ કચેરીએ પણ હેલ્મેટના કાયદાનો કડકાઈથી અમલ કરવાનો નિર્ણય કર્યો છે.