સરકારી નોકરીને લઇને આકર્ષણ

સરકારી નોકરીમાં ઘટતી જતી તકો માટે કેટલાક નક્કર કારણ છે... ૩૩ વર્ષની સેવા કરી ચુકેલી કર્મચારીઓને નિવૃતિ આપી દેવાની રહેલી છે. જ્યારે આ પ્રકારના હેવાલ આવ્યા ત્યારે હોબાળો થયા બાદ સંસદીય બાબતોના મંત્રાલય કેન્દ્ર સરકાર દ્વારા ખુલાસો કરવાની ફરજ પડી હતી

ખાનગી ક્ષેત્ર વેતન અને ભથ્થામાં સુધારો કરશે અને સેવા શરતો ને આકર્ષક બનાવશે તો સરકારી નોકરીને લઇને આકર્ષણ ઘટશે

હાલના દિવસોમાં સરકારી કર્મચારીઓની સાથે જોડાયેલા સમાચારોને લઇને બજાર ગરમ છે. એક બાજુ થોડાક સમય પહેલા એવા હેવાલ આવ્યા હતા કે ભારત સરકાર સરકારી કર્મચારીઓની સેવાનિવૃતિની વય મર્યાદા ૬૦ વર્ષથી વધારીને ૬૨ વર્ષ કરવા માટે તૈયાર છે. હવે એવા પણ હેવાલ આવી રહ્યા છે કે સરકારની યોજના સેવાનિવૃતિની વય તો યથાવત રાખવાની છે પરંતુ ૩૩ વર્ષની સેવા કરી ચુકેલી કર્મચારીઓને નિવૃતિ આપી દેવાની રહેલી છે. જ્યારે આ પ્રકારના હેવાલ આવ્યા ત્યારે હોબાળો થયા બાદ સંસદીય બાબતોના મંત્રાલય કેન્દ્ર સરકાર દ્વારા ખુલાસો કરવાની ફરજ પડી હતી.

સરકારને કહેવુ પડ્યુ કે તેની આવી કોઇ યોજના નથી. છતાં પણ એટલી બાબત તો સમજી લેવાની છે કે અપેક્ષાકૃત સરળ અનવે આરામદાયક ગણાતી સરકારી નોકરીમાં પણ સેવા શરતોમાં હવે મોટા પાયે ફેરફાર કરવામાં આવી શકે છે. આ જ કારણ છે કે છેલ્લા કેટલાક વર્ષોમાં કેન્દ્ર સરકારે પોતાના ભ્રષ્ટ અને નિષ્ક્રિય બની ગયેલા અધિકારીઓને બળજબરીપૂર્વક નિવૃત કરીને ઘરનો રસ્તો બતાવી દીધો છે.