CWG 2026: શૂટિંગની વાપસી, રેસલિંગ અને તીરંદાજી બાકાત

વિક્ટોરિયામાં યોજાનાર કોમનવેલ્થ ગેમ્સમાં 20 રમતો અને 26 સ્પર્ધાને સ્થાન

ઓસ્ટ્રેલિયાના વિક્ટોરિયામાં આગામી 2026 કોમનવેલ્થ ગેમ્સનું આયોજન કરવામાં આવશે. આ માટે કોમનવેલ્થ ગેમ્સ ફેડરેશન (સીજીએફ) અને કોમનવેલ્થ ગેમ્સ ઓસ્ટ્રેલિયાએ રમતોની યાદીને અંતિમ ઓપ આપી તેની જાહેરાત બુધવારે કરી હતી. ભારત માટે મિશ્ર વલણ રહ્યું છે. કોમનવેલ્થ ગેમ્સ 2026માં શૂટિંગની વાપસી થઈ છે જે ભારત માટે ખુશીની બાબત છે જ્યારે રેસલિંગ અને તીરંદાજી બાકાત રહેતા ગમ પણ જણાય છે. વિક્ટોરિયા 2026 કોમનવેલ્થ ગેમ્સના સંપૂર્ણ રમત કાર્યક્રમની જાહેરાત કરવામાં આવી છે જેમાં 20 રમતો અને 26 સ્પર્ધાઓનો સમાવેશ કરાયો છે. આ પૈકી નવ સંપૂર્ણ રીતે પેરા રમતો રહેશે.