મહેમદાવાદના ત્રણ ગઠિયાઓએ નડિયાદના વેપારી સાથે ₹30 લાખની ઠગાઇ કર્યાની રાવ

વિશ્વાસઘાત તબેલા માટે ઉદ્યોગ કેન્દ્રમાંથી લોનના બહાને વેપારી પાસેથી ઉછીના નાણાં લીધા

મહેમદાવાદના ત્રણ વ્યકિતઓએ ભેગા મળીને નડિયાદના એક વેપારીને ભેંસ માટે તબેલો બનાવવા જિલ્લા ઉદ્યોગ કેન્દ્રમાંથી લોન મળે છે. તેમ કહીને વિશ્વાસ કેળવીને ₹ 30 લાખની ડિપોઝિટ પેટે ભરવા પડશે તેમ જણાવી વેપારી પાસેથી ₹30 લાખ ઉછીના લીધા હતા. જે નાણાં ત્રણ મહીના સુધી પરત ના આપતા વેપારીએ નડિયાદ પોલીસ મથકે મહેમદાવાદના આ ત્રણેય ગઠિયાઓ સામે પોલીસ ફરિયાદ નોંધાવી હતી. જિલ્લા ઉદ્યોગ કેન્દ્રમાંથી ₹1.20 કરોડની લોન મંજૂર કરવાની પ્રક્રિયા ચાલી રહી છે. તેમ કહીને વેપારીને ગોળ ગોળ ફેરવવામાં આવતો હતો. જેથી કંટાળીને તેણે પોલીસમાં ફરિયાદ નોંધાવી હતી.