ઉત્તર કાશીની ટનલમાં ફસાયેલા 41 શ્રમિકોને બહાર કાઢવામાં અવરોધ

હજુ દોઢ દિવસ લાગી શકે છેઃ સેનાની મદદ લેવાઈ

ઉત્તરાખંડના ઉત્તર કાશી ખાતે નિર્માણાધિન ટનલમાં દિવાળીના દિવસથી ફસાઇ ગયેલા શ્રમિકોને બહાર કાઢવા રાજ્ય સરકાર અને કેન્દ્ર સરકારની અનેક એજન્સીઓ દિવસરાત અથાગ પ્રયાસો કરી રહી છે, પરંતુ કમનસીબે સફળતા હજુ સુધી હાંસલ થઇ નથી. અમેરિકાથી મંગાવેલું ઓગર મશીન પણ આ કાર્યમાં નિષ્ફળ જતાં હવે હૈદરાબાદથી પ્લાઝમા કટર મશીન મંગાવવામાં આવ્યું છે જે ટનલ સુધી પહોંચી ગયું છે. હવે ટનલની ઉપરથી ખોદવાનું કામ શરૂ કરાયું છે. હવે બચાવ કામગીરીમાં સેનાની મદદ લેવામાં આવી છે.