પ્રાકૃતિક તત્વોના રક્ષણ માટે COP 28ના દેશોએ $1.7 અબજની સહાય જાહેર કરી

યુએઇની સરકાર પર્યાવરણના જતન માટે $3 કરોડની સહાય કરશે

વર્લ્ડ ક્લાઇમેટ એક્શન શિખર સંમેલન દરમ્યાન COP 28 (યુનાઈટેડ નેશન્સ ક્લાઇમેટ ચેઇન્જ કોન્ફરન્સ ઓફ પાર્ટીઝ)ના પ્રમુખ અને તેના અન્ય ભાગીદારો તરફથી હવામાન સામે ઉભા થયેલાં પડકારોના લક્ષ્યને અને જૈવિક વૈવિધ્યના લક્ષ્યને પહોંચી વળવા 1.7 અબજ ડોલરની ખાતરીબદ્ધ નાણાંકીય સહાયની સાથે બીજા અનેક શ્રેણીબદ્ધ પગલાં અને મહત્વકાંક્ષી પહેલની જાહેરાત કરવામાં આવી હતી. બ્રાઝિલના પ્રમુખ લુલા ડી. સિલ્વા અને COP 28ના પ્રમુખ બેલીમમાં મળનારી COP 30ની બેઠક સુધી પ્રાકૃતિક તત્વોના રક્ષણ અને જાળવણી માટે રાજકીય સપોર્ટ અને નવા સંસાધનો એકઠાં કરવા બે વર્ષની ભાગીદારીની પણ જાહેરાત કરી હતી.