સુરતના ડાયમંડ બુર્સના ઉદ્દઘાટન પહેલાં 100 કરોડની બેન્ક ગેરન્ટી જમા કરાવવા કોર્ટનો આદેશ

બુર્સના બાંધકામનું 538 કરોડનું પેમેન્ટ બાકી : 7 દિવસમાં બેન્ક ગેરંટી જમા કરાવવા હુકમ કર્યો

સુરત સુરતનું ડાયમંડ બુર્સ શરૂ થાય તે પહેલાજ વિવાદમાં આવ્યું છે.  ડાયમંડ બુર્સના વહીવટદારોએ ઇમારત બાંધકામના 538 કરોડ ન ચુકવ્યા હોવાનો નવો વિવાદ સામે આવ્યો છે. બુર્સનું બાંધકામ કરનાર પી એસ પી લીમીટેડ કંપની દ્વારા કોર્ટના દ્વાર ખખડાવાતા સુરતની અદાલતે ડાયમંડ બુર્સને એક અઠવાડિયામાં રૂપિયા 100 કરોડ જેવી માતબર રકમની બેન્ક ગેરંટી જમા કરાવવા હુકમ કર્યો છે.