ગેરતપુરમાં એક જ બિલ્ડિંગમાં ચલાવાતી શ્રદ્ધા અને ભગવતી સ્કૂલની માન્યતા રદ

વાલીઓની સંમતિ મેળવી વિદ્યાર્થીઓને નજીકની સ્કૂલમાં પ્રવેશ અપાશે

ગેરતપુર ખાતે એક જ બિલ્ડિંગમાં એક કરતા વધુ સ્કૂલ ચાલતી હોવાના મુદ્દે તેમજ ખોટી એફિડેવિટ કરી મંજૂરી મેળવવાના કિસ્સામાં બે શાળા ઓની માન્યતા રદ કરવાનો નિર્ણય લેવાયો છે. નુતન એજ્યુકેશન ટ્રસ્ટ સંચાલિત શ્રદ્ધા ઈન્ટરનેશનલ ઈંગ્લિશ સ્કૂલ અને ભગવતી બાલમંદિર અને પ્રાથમિક શાળાની માન્યતા જૂન2024ની અસરથી રદ કરવા પ્રાથમિક શિક્ષણ નિયામક દ્વારા આદેશ કરાયો છે. શાળાઓ બંધ કરતા અભ્યાસ કરતા વિદ્યાર્થીઓને નજીકની અન્ય સ્કૂલમાં વાલીઓની સંમતિ સાથે પ્રવેશ અપાવવાની કાર્યવાહી હાથ ધરાશે.