ആധാർ പുതുക്കിയേ തീരു

ആധാർ ചട്ടം ഭേദഗതി ചെയ്ത് കേന്ദ്ര സർക്കാർ പത്ത് വർഷത്തിലൊരിക്കൽ വിവരങ്ങളും രേഖകളും പുതുക്കണം

ന്യൂഡൽഹി: ഏറെ നിർണായകമായ നീക്കത്തിൽ കേന്ദ്ര സർക്കാർ ആധാർ ചട്ടം ഭേദഗതി ചെയ്തു. പുതിയ ഭേദഗതിയോടെ ആധാർ കാർഡിനായി സമർപ്പിച്ച അനുബന്ധ രേഖകളും വിവരങ്ങളും ഓരോ 10 വർഷം കൂടുമ്പോഴും നിർബന്ധമായും പുതുക്കണം. വ്യാഴാഴ്ച ഇതു സംബന്ധിച്ച ഗസറ്റ് വിജ്ഞാപനം കേന്ദ്ര ഇലക്ട്രോണിക് വിവര സാങ്കേതിക വിദ്യ മന്ത്രാലയം പുറത്തിറക്കി.