അടി.. അടി... അടി....റൺജു സാംടൺ

ട്വന്റി20യിയിൽ സഞ്ജു സാംസണിന് കന്നി ശതകം മൂന്നാം മത്സരം 133 റൺസിന് ജയിച്ച് ബംഗ്ലാദേശിനെതിരായ പരമ്പര തൂത്തുവാരി ഇന്ത്യ

ഹൈദരാബാദ്: ഉപ്പലിലെ രാജീവ് ഗാന്ധി സ്റ്റേഡിയത്തിൽ സഞ്ജു സാംസണിന്റെ ദസറ വെടിക്കെട്ട് ബാറ്റിങ്ങിലെ സ്ഥിരതയില്ലായ്മ പറഞ്ഞ് മാറ്റിനിർത്താൻ ശ്രമിച്ചവരുടെ വായടപ്പിച്ച് മലയാളി വിക്കറ്റ് കീപ്പർ തകർത്താടിയപ്പോൾ പിറന്നത് ഒരുപിടി റെക്കോഡുകൾ. അന്താരാഷ്ട്ര ട്വന്റി20 കരിയറിലെ ആദ്യ ശതകം വെറും 40 പന്തിൽ കണ്ടെത്തിയ സഞ്ജു, ബാറ്റിങ് ഓർഡറിലെ സ്ഥാനക്കയറ്റം തനിക്ക് ചേർന്നതാണെന്നും തെളിയിച്ചുകൊടുത്തു. 47 പന്തിൽ എട്ടു സിക്സും 11 ഫോറുമടക്കം 111 റൺസെടുത്ത സഞ്ജുവിന്റെ മികവിൽ ഇന്ത്യ ബംഗ്ലാദേശിനെതിരായ മൂന്നാമത്തെയും അവസാനത്തെയും ട്വന്റി20 മത്സരത്തിൽ അടിച്ചെടുത്തത് തങ്ങളുടെ ഏറ്റവും ഉയർന്ന സ്കോറായ ആറ് വിക്കറ്റിന് 297 റൺസ്. മറുപടി ബാറ്റിങ്ങിൽ കടുവകൾ 20 ഓവറിൽ ഏഴ് വിക്കറ്റ് നഷ്ടത്തിൽ 164ൽ അവസാനിപ്പിച്ചു.