விசாரணை அதிகாரி மாற்றம்: மனித உரிமை ஆணைய செயல்பாட்டில் மூக்கை நுழைப்பதா?

தன்னாட்சி அமைப்பான மாநில மனித உரிமை ஆணையத்தின் செயல்பாடுகளில் தேவையில்லாமல் மூக்கை நுழைப்பதா என்று முதல்வர் ஸ்டாலினுக்கு எடப்பாடி பழனிசாமி கண்டனம் தெரிவித்துள்ளார்.

அ.தி.மு.க. பொதுச்செயலாளர் எடப்பாடி பழனிசாமி இன்று விடுத்துள்ள அறிக்கையில் கூறியிருப்பதாவது:

மனித உரிமைகள் காவல் துறையினராலும், சமூக விரோதிகளாலும் மீறப்படும்பொழுது அவற்றை காப்பதற்காகவே அகில இந்திய அளவிலும், மாநில அளவிலும் மனித உரிமை ஆணையங்கள் அமைக்கப்பட்டன. தற்போதைய ஸ்டாலினின் திமுக ஆட்சியில், மாநில மனித உரிமைகள் ஆணையத்தின் உரிமைகள் பறிபோகும் நிலைமை ஏற்பட்டுள்ளதாக செய்திகள் தெரிவிக்கின்றன.