ரஜினி வீட்டில் தீபாவளி கொண்டாடிய தனுஷ்! ஐஸ்வர்யாவுடன் மீண்டும் சேர்ந்து வாழ முடிவு!!

நடிகர் தனுஷ், ஐஸ்வர்யா இருவரும் விவாகரத்து கோரி தொடர்ந்த வழக்கில், இதுவரை நேரில் ஆஜராகாத நிலையில், நடிகர் தனுஷ் தீபாவளி பண்டிகையை மகன்களுடன் ரஜினிகாந்தின் போயஸ் கார்டன் வீட்டில் கொண்டாடியதாகவும், அப்போது நடிகர் தனுஷ், ஐஸ்வர்யாவை நேரில் சந்தித்து மனம் விட்டு பேசியதாகவும், இதையடுத்து இருவரும் விவாகரத்து முடிவை கைவிட்டு மீண்டும் சேர்ந்து வாழ முடிவு செய்துள்ளதாகவும் கூறப்படுகிறது.

நடிகர் தனுஷ், ரஜினிகாந்தின் மூத்த மகள் ஐஸ்வர்யாவை காதலித்து, 2004ஆம் ஆண்டு நவம்பர் 18ஆம் தேதி திருமணம் செய்து கொண்டார். இவர்களுக்கு யாத்ரா, லிங்கா என இரண்டு மகன்கள் உள்ளனர். திருமணத்திற்கு பின்னர் தனுஷ் நடிகர், இயக்குநராக பயணித்து வருகிறார். ஐஸ்வர்யாவும் சில படங்களை இயக்கியுள்ளார். இந்நிலையில் கடந்த 2022ஆம் ஆண்டு திடீரென இருவரும் பிரிந்து விடப்போவதாக அறிவித்து அறிக்கை வெளியிட்டு பலருக்கும் அதிர்ச்சியை ஏற்படுத்தினர்.

இதையடுத்து இருவரின் குடும்பத்தினர் மற்றும் திரையுலக பிரபலங்கள் இருவருக்கிடையே கருத்து வேறுபாடுகளை களைய, சமரச பேச்சுவார்த்தை மேற்கொண்டு வந்தனர். ஆனால் இருவரும் தங்களுடைய திருமண வாழ்க்கையை முடிக்க விரும்பி, விவாகரத்து கோரி சென்னை குடும்ப நல நீதிமன்றத்தில் மனு தாக்கல் செய்தனர்.