அ.தி.மு.க.வுடன் அ கூட்டணி இல்லை!விஜய் கட்சி அறிவிப்பு!!

சட்டசபைத் தேர்தலில் அ.தி.மு.க.வுடன் கூட்டணி இல்லை என்று விஜய் கட்சி அறிவித்துள்ளது. ஆனால் வேண்டுமென்றே சிலர் தவறான செய்திகளை பரப்புவதாகவும் அக்கட்சி குற்றம் சுமத்தியுள்ளது.

நடிகர் விஜய், தமிழக வெற்றிக்கழகம் என்ற பெயரில் அரசியல் கட்சியை தொடங்கியுள்ளார். அதை தேர்தல் ஆணையத்திலும் பதிவு செய்துள்ளார். கட்சியின் கொடியும் அறிமுகப்படுத்தப்பட்டது.

கடந்த அக்டோபர் 27 ஆம் தேதி விக்கிரவாண்டியில் முதலாவது மாநாட்டை நடத்தினார். அதில் கட்சியின் கொள்கையை வெளியிட்டார். அத்துடன் தனது கொள்கை எதிரி பா.ஜ.க. என்றும் அரசியல் எதிரி தி.மு.க. என்றும் அறிவித்தார்.

அடுத்த சட்டசபைத் தேர்தலில் தமிழக வெற்றிக்கழகம் அமோக வெற்றிபெறும் கூட்டணியில் என்றும் சேரும் கட்சிகளுக்கும் ஆட்சியில் பங்கு வழங்கப்படும் என்றும் கூறினார்.

அந்த மாநாட்டில் அ.தி.மு.க. பற்றி அவர் எதுவும் தெரிவிக்கவில்லை. இதனால் அ.தி.மு.க.வுக்கும் விஜய் கட்சிக்கும் இடையே ரகசிய உறவு இருக்கலாம் என்ற வகையில் அரசியல் வட்டாரத்தில் விவாதங்கள் எழுந்தன.