தாழ்வு மண்டலமாக வலுப்பெற்றது!

இன்று இரவு முதல் கடலோர மாவட்டங்களில் மழை பெய்ய வாய்ப்பு!!

வங்கக் கடலில் உருவான காற்றழுத்த தாழ்வு நிலை இன்று தாழ்வுமண்டலமாக வலுப்பெற்றுள்ளது. இதன் காரணமாக இன்று இரவு முதல் கடலோர மாவட்டங்களில் மழை பெய்யும் என எதிர்பார்க்கப்படுகிறது.

வடகிழக்கு பருவமழைக் காலம் தொடங்கி ஒருமாதத்துக்கு மேலாகிவிட்டது. இன்னும் ஒரு மாதத்துக்கு குறைவான காலமே மீதி உள்ளது. இதுவரை, பற்றாக்குறை அளவே மழை பெய்துள்ளது.

ஆனால், இந்த ஆண்டு வழக்கத்தைவிட கூடுதலாக பெய்யும் என பல மாதங்களுக்கு முன்னரே வானிலை நிபுணர்கள் முன்னறிவிப்பு செய்திருந்தார்கள். அந்த கணிப்பு இதுவரை பலிக்கவில்லை.