இன்று 143-ஆவது பிறந்த நாள்: பாரதியார் சிலையை பல்லக்கில் தூக்கிச் சென்ற ஆளுநர் ரவி! அரசின் சார்பிலும் மரியாதை!!

மகாகவி பாரதியாரின் 143-ஆவது பிறந்த நாளை முன்னிட்டு சிலையைக் கவர்னர் ஆர்.என். ரவி பல்லக்கில் எடுத்துக் சென்றார். மேலும் தமிழக அரசு சார்பிலும் மரியாதை செய்யப்பட்டது.

எழுச்சிமிக்க கவிதைகளாலும், பாடல்களாலும் சுதந்திர வேட்கையை ஊட்டியவர் மகாகவி பாரதியார். அவர் 1882-ஆம் ஆண்டு டிசம்பர் 11-ஆம் தேதி இப்போதைய தூத்துக்குடி மாவட்டம் எட்டயபுரத்தில் பிறந்தார். 1921-ஆம் ஆண்டு செப்டம்பர் 11-ஆம் தேதி சென்னையில் காலமானார்.

அவரது 143-ஆவது பிறந்த நாள் விழா இன்று கொண்டாடப்பட்டு வருகிறது. இதை முன்னிட்டு சென்னை கிண்டியில் உள்ள கவர்னர் மாளிகையில் சிறப்பாக விழா கொண்டாடப்பட்டது. அலங்கரித்து வைக்கப்பட்டிருந்த பாரதியாரின் படத்திற்கு ஆளுநர் ஆர்.என். ரவி மலர் தூவி மரியாதை செய்தார்.