மம்தாவால் கூட்டணியில் சலசலப்பு: தேர்தலில் தனித்து போட்டியிட காங்கிரஸ் நிர்வாகிகள் வற்புறுத்தல்!

அமைதி காக்குமாறு ராகுல் வேண்டுகோள்!!

இந்தியா கூட்டணிக்கு தலைமை ஏற்கத் தயார் என்று மம்தா பானர்ஜி கூறியதையடுத்து சலசலப்பு ஏற்பட்டுள்ளது. இந்நிலையில் தேர்தல் தனித்து போட்டியிடவேண்டும் என்றுக் காங்கிரஸ் நிர்வாகிகள் வற்புறுத்தி வருகின்றனர். அமைதி காக்குமாறு ராகுல் வேண்டு கோள்விடுத்துள்ளார். திசை திருப்பும் பா.ஜ.க.வின் சூழ்ச்சிக்கு பலியாகி விடாதீர் என்று அவர் கேட்டுக் கொண்டுள்ளார்.

பா.ஜ.க. தலைமையிலான தேசிய ஜனநாயக கூட்டணிக்கு இந்தியா கூட்டணி மூலம் ஈடுகொடுக்க முடியவில்லை. பெரிய மாநிலங்களான உத்தரப்பிரதேசம், மகாராஷ்டிரா போன்றவற்றில் பா.ஜ.க.வின் ஆதிக்கம் வலுவாக உள்ளது.

இந்தியா கூட்டணியின் தலைமைப் பொறுப்பை காங்கிரஸ் ஏற்றுள்ள போதிலும், இக்கூட்டணியை வெற்றிப்பாதைக்குச் செல்ல காங்கிரஸ் முடியவில்லை. அண்மையில் ஜார்க்கண்டில் நடைபெற்ற சட்டசபைத் தேர்தலில் இந்தியா கூட்டணியின் வெற்றிக்கு ஜார்க்கண்ட் முக்தி மோர்ச்சாவே காரணம்.

மகாராஷ்டிராவில் காங்கிரஸ் முதன்மைப்படுத்தப்பட்டது. மகாராஷ்டிர மக்கள் இந்தியா கூட்டணியை நிராகரித்து விட்டார்கள். மாநில கட்சிகளின் தயவில் காங்கிரஸ் உள்ளதே தவிர காங்கிரசின் தயவில்மாநில கட்சிகள் இல்லை என்பது நிரூபணம் ஆகி வருகிறது.

இந்நிலையில் ஊடகம் ஒன்றுக்கு மேற்கு வங்காள முதலமைச்சரும், திரிணா முல் காங்கிரஸ் தலைவருமான மம்தா பானர்ஜி அண்மையில் சிறப்பு நேர்காணல் அளித்துள்ளார். அதில் அவர் கூறியுள்ளதாவது: