2014 மக்களவைத் தேர்தலில் காங்கிரஸ் தோல்வி அடைய மன்மோகன் சிங்தான் காரணம்!

மணிசங்கர் அய்யர் தாக்கு!!

2014 மக்களவை தேர்தலில் உடல்நலக் குறைவால் பாதிக்கப்பட்டிருந்த மன் மோகன் சிங்கை மீண்டும் பிரதமர்வேட்பாளராக முன் நிறுத்தியதே காங்கிரஸ் கூட்டணியின் படுதோல்விக்கு காரணமாக அமைந்தது, அவர்க்கு பதிலாக பிரணாப் முகர்ஜியை பிரதமர்வேட்பாளராக தேர்வு செய்திருந்தால் காங்கிரஸ் தொடர்ந்து 3ஆவது முறை ஆட்சி அமைத்திருக்கும் என்று காங்கிரஸ் மூத்த தலைவராக இருந்த மணிசங்கர் அய்யர் கூறியுள்ளார்.

காங்கிரஸ் கட்சியின் மூத்த தலைவர்களில் ஒருவராகவும், முன்னாள் மத்திய அமைச்சராகவும் இருந்தவர் மணி சங்கர் அய்யர் (வயது 83). கட்சியில் இருந்து இடைநீக்கம் செய்யப்பட்ட இவர், அண்மையில் "மேவ் ரிக் இன் பாலிட்டிக்ஸ்" என்ற புத்தகத்தை எழுதி வெளியிட்டுள்ளார். அதில், காங்கிரஸ் கட்சியில் நிலவிய குழப்பம், அக்கட்சியின்வீழ்ச்சிக்கு காரணமாக அமைந்த பல்வேறு நிகழ்வுகள் குறித்து குறிப்பிட்டுள்ளார். தனது புத்தகத்தில் மணிசங்கர் அய்யர் கூறியதாவது: