പരമ്പര പിടിക്കാൻ ഇന്ത്യ, പകവീട്ടാൻ ഇംഗ്ലണ്ട്

രണ്ടാം ഏകദിനം ഇന്ന് ലോർഡ്സിൽ

ലണ്ടൻ: ആദ്യ മത്സരത്തിൽ ഇംഗ്ലണ്ടിനെ തച്ചുടച്ച പ്രകടനം കാഴ്ചവച്ച ഇന്ത്യ ഏകദിന ക്രിക്കറ്റ് പരമ്പര  പിടിക്കാൻ ലക്ഷ്യമിട്ട് ഇന്നു ലോർഡ്സിൽ. ഇംഗ്ലണ്ടിനെതിരായ ടെസ്റ്റ് പരമ്പര സമനിലയിലായതിന്റെ ക്ഷീണം ട്വന്റി-20 പരമ്പര 2-1 നു കൈക്കലാക്കി വിസ്മൃതിയിലാക്കിയ ടീം ഏകദിന പരമ്പരയും കൈവിടില്ലെന്ന ആത്മവിശ്വാസത്തിലാണ്. ലോർഡ്സിൽ ഇന്ത്യൻ സമയം വൈകിട്ട് അഞ്ചര മുതലാണു മത്സരം. സോണിയുടെ ചാനലുകളിലും സോണി ലിവിലും തൽസമയം.

ഓവൽ ഏകദിനത്തിലെ പത്തുവിക്കറ്റിന്റെ തകർപ്പൻ ജയത്തിൽ ആവേശഭരിതരാണ് ക്യാപ്റ്റൻ രോഹിത് ശർമയും ടീമംഗങ്ങളും ആരാധകരും. വിജയത്തുടർച്ച നിലനിർത്താനായാൽ ഒരു മത്സരം ശേഷിക്കെ ഇന്ത്യക്കു കിരീടം ഉറപ്പിക്കാനാകും. പരമ്പര കൈവിടുമെന്നതിനാൽ ആതിഥേയർ കൈ-മെയ് മറന്നു പോരാടുമെന്നുറപ്പ്. അതിനാൽ ത്തന്നെ മത്സരവും കടുക്കും.

ലോർഡ്സിലേത് ഓവലിലെ പിച്ചിനു സമാനമാണെന്നാണു കരുതുന്നത്. അതിനാൽ ടീമിൽ മാറ്റം വരുത്താൻ രോഹിത് തയാറായേക്കില്ല. ബാറ്റർമാർ, നാലു ബൗളർമാർ, രണ്ട് ഓൾറൗണ്ടർ മാർ, വിക്കറ്റ് കീപ്പർ അടങ്ങിയ ടീംതന്നെയാകും ഇ ന്നും കളത്തിലിറങ്ങുക.