ഏഷ്യയിലെ രാജാവിനെ ഇന്നറിയാം

ഏഷ്യാ കപ്പ് ഫൈനൽ വൈകിട്ട് 7.30 മുതൽ സ്റ്റാർ സ്പോർട്സിലും ഹോട്സ്റ്ററിലും 

ദുബായ്: ഏഷ്യാ കപ്പ് ട്വന്റി20 ക്രിക്കറ്റിന്റെ ഫൈനൽ ഇന്നു നടക്കും. വൈകിട്ട് 7.30 മുതൽ നടക്കുന്ന മത്സരത്തിൽ പാകിസ്താൻ ശ്രീലങ്കയെ നേരിടും. മത്സരത്തിലുടനീളം ചൂടേറിയതും വരണ്ടതുമായ കാലാവസ്ഥയാകുമെന്നതു ടീമുകൾക്ക് ആശങ്കയാണ്.

നാലാം തവണയാണു പാകിസ്ഥാനും  ലങ്കയും ഏഷ്യാ കപ്പ് ഫൈനലിൽ ഏറ്റുമുട്ടുന്നത്. ഇരുവരും രണ്ട് വീതം ജയങ്ങൾ കുറിച്ചു. കണക്കുകളിൽ ശ്രീലങ്കയ്ക്കെതിരേ ട്വന്റി20 യിൽ പാകിസ്ഥാനാണു മുൻതൂക്കം. ഇതുവരെ 22 കളികളിലാണ് ഇരുവരും ഏറ്റുമുട്ടിയത്. അതിൽ 13 ലും ജയം പാകിസ്താനോടൊപ്പമായി. ഒൻപത് മത്സരങ്ങളിലാണ് ലങ്ക ജയിച്ചത്. കണക്കുകളിൽ മുന്നിൽ പാകിസ്താനാണെങ്കിലും ഫൈനലിൽ ഇരുവർക്കും തുല്യസാധ്യതയാണ്.