തകർപ്പൻ

ഇന്ത്യക്ക് ട്വന്റി20 പരമ്പര

ഹൈദരാബാദ്: ഓസ്ട്രേലിയയ്ക്കെതിരായ ട്വന്റി20 ക്രിക്കറ്റ് പരമ്പര ഇന്ത്യക്കു സ്വന്തം. മൂന്നാമത്തേതും അവസാനത്തേതുമായ മത്സരം ആറ് വിക്കറ്റിനു ജയിച്ചാണ് അവർ പരമ്പര 2-1 നു നേടിയത്.

ആദ്യം ബാറ്റ് ചെയ്ത ഓസ്ട്രേലിയ ഏഴ് വിക്കറ്റ് നഷ്ടത്തിൽ 186 റണ്ണെടുത്തു. കളി തീരാൻ ഒരു പന്ത് ശേഷിക്കേയാണ് ഇന്ത്യ വിജയ റണ്ണെടുത്തത്. ഹാർദിക് പാണ്ഡ്യ (16 പന്തിൽ ഒരു സിക്സറും രണ്ട് ഫോറുമടക്കം 25), ദിനേഷ് കാർത്തിക്ക് (ഒരു പന്തിൽ ഒ ന്ന്) എന്നിവർ ചേർന്നാണു വിജയ റണ്ണെടുത്തത്.

വിരാട് കോഹ്ലി (48 പന്തിൽ നാല് സിക്സറും മൂന്ന് ഫോറുമടക്കം 63) സൂര്യകുമാർ യാദവ് (36 പന്തിൽ അഞ്ച് സിക്സറും അഞ്ച് ഫോറുമടക്കം 69) എന്നിവരുടെ അർധ സെഞ്ചുറികളുടെ ബലത്തിൽ മുന്നേറി. ഡാനിയേൽ സാംസ് എറിഞ്ഞ അവസാന ഓവറിലാണു കോഹ്ലി പുറത്തായത്. മടങ്ങുമ്പോൾ ഇന്ത്യക്കു ജയിക്കാൻ നാല് പന്തിൽ അഞ്ച് റൺ വേണമായിരുന്നു.