പർവേസ് മുഷാറഫ് അന്തരിച്ചു

പാക് ഹീറോയായിരുന്നു, പക്ഷേ...

 ദുബായ്: കാർഗിൽ യുദ്ധത്തിന്റെ സൂത്രധാരനായ പാകിസ്താൻ മുൻ പ്രസിഡന്റും സൈനികമേധാവിയുമായ ജനറൽ പർവേസ് മുഷാറഫ് (79) അന്തരിച്ചു. ദുബായിൽ ചികിത്സയിൽ കഴിയുകയായിരുന്നു.

പാകിസ്താനിൽ രാജ്യദ്രോഹക്കുറ്റമടക്കം നിരവധി കേസുകൾ നേരിടുന്നതിനിടെയാണ് അന്ത്യം. ഭാര്യ: സെഹ്ബ മുഷറഫ്. രണ്ടു മക്കളുണ്ട്. മുഷറഫ് സൈനിക മേധാവിയായിരിക്കെ 1999 മാർച്ചിലാണ് പാക് സൈന്യം കാർഗിലിൽ കൈയേറ്റം നടത്തിയത്. സമാധാനശ്രമങ്ങളുടെ ഭാഗമായി ഇന്ത്യയും പാകിസ്താനും തമ്മിൽ ലാഹോർ പ്രഖ്യപനത്തിൽ ഒപ്പിട്ട് ഒരു മാസം പിന്നിട്ടപ്പോഴായിരുന്നു പ്രഖ്യാപനത്തെ അട്ടിമറിച്ചുകൊണ്ടുള്ള കാർഗിൽ കൈയേറ്റം. ലഡാക്കിനെയും സിയാച്ചിനെയും ഇന്ത്യയിൽ നിന്ന് അടർത്തിമാറ്റുക എന്നതായിരുന്നു മുഷാറഫിന്റെ ലക്ഷ്യമെങ്കിലും പാക് സൈന്യത്തെ ഇന്ത്യ പരാജയപ്പെടുത്തി.