റഷ്യൻ എണ്ണ വാങ്ങൽ വർധിപ്പിച്ച് ഇന്ത്യ

ജൂണിൽ ഇന്ത്യയിലേക്കുള്ള റഷ്യൻ എണ്ണയുടെ വരവ് പ്രതിദിനം ശരാശരി 1.2 ദശലക്ഷം ബാരലാണെന്ന് ഡാറ്റ കാണിക്കുന്നു

ന്യൂഡൽഹി: കൂടുതൽ വിലക്കുറവിൽ റഷ്യൻ എണ്ണ ഇന്ത്യയ്ക്ക് ലഭ്യമാകുന്നതായി റിപ്പോർട്ട്. ചെറുകിട അന്താരാഷ്ട്ര കമ്പനി കളുടെ വിപണി പ്രവേശത്തോടെയാണ് ഇത് സാധ്യമാകുന്നത്. കുറഞ്ഞ വിലയിൽ എണ്ണ വാഗ്ദാനം ചെയ്യുന്ന ഇത്തരം കമ്പനികളുമായി ഇന്ത്യൻ ഓയിൽ കോർപ്പറേഷൻ പോലുള്ള സ്ഥാപനങ്ങൾ കരാറിലെത്തിയെന്ന് ബ്ലൂംബർഗ് റിപ്പോർട്ട് ചെയ്യുന്നു.

ഉദ്യോഗസ്ഥ ഇടപെടൽ കുറവായതോടെ ഡിസ്കൗണ്ട് തുകയിൽ എണ്ണവിൽക്കാൻ ഇത്തരം കമ്പനികൾക്ക് സാധിക്കുന്നു. ഡിസ്ക്കൗണ്ടിൽ എണ്ണ ലഭ്യമാകുന്നത് കാരണം അധികം അറിയപ്പെടാത്ത ഇത്തരം വ്യാപാരികളുമായി ഇടപഴകാൻ ഇന്ത്യൻ റിഫൈനർമാർ തയ്യാറാണ്, വന്ദ ഇൻസൈറ്റ്സിന്റെ സ്ഥാപകയായ വന്ദന ഹരി പറഞ്ഞു. ഇത്തരം പുതു വ്യാപാരികൾ ബാരലിന് 8 ഡോളർ വരെ ഡിസ്കൗണ്ട് നൽകുന്നു.