యువతే లక్ష్యంగా గల్ఫ్ ఏజెంట్ల మోసాలు

- మోసపోతున్న నిరుద్యోగులు  - ఆర్థికభారంతో కుటుంబాల అవస్థలు - కంపెనీ విసా పేరిట విసిట్ పై వంపిస్తూ మోసం - గల్ఫ్ దేశాల్లో అష్టకష్టాలు పడుతున్న యువకులు - రాజన్న సిరిసిల్ల జిల్లాలో 62 కేసులు నమోదు

వేములవాడ, మే27 (ప్రజాజ్యోతి): ఉత్తర తెలంగాణ మెట్టప్రాంతం కావడం.. సరైన నీటి వసతులు లేక వంటల దిగుబడి లేక. చేతిలో పనుల్లేక పైసల్లేక..

అప్పులు చేసి ఉపాధిబాటలో సప్త సముద్రాలు దాటి దేశం కానీ దేశానికి పొట్ట చేత బట్టుకుని కార్మికుడిగా వెళ్లి నాలుగు రూపాయలు సంపాదించుకుందామంటే ఆదిలోనే నకిలీ ఏజెంట్ల చేతిలో మోసపోతున్నారు కొందరు నిరుపేదలు. పోలీసులు సోదాలు జరువుతున్నా మోసాలు ఆగడం లేదు. అనుమతి లేకుండా పలువురు వ్యాపారులు గల్ఫ్ ఏజంట్ల అవతారం ఎత్తి నిరుద్యోగ యువతను ముంచుతున్నారు. పట్టణాల్లో కార్యాలయాలను తెరిచి మోసాలకు పాల్పడుతున్నారు. నిరుద్యోగుల అవసరాలను ఆసరగా చేసుకొని ఇష్టారీతిగా డబ్బులు వసూలు చేస్తున్నారు. ఎలాగైనా ఉపాధిపొందాలని భావించిన గ్రామీణ యువకులు నకిలీ ఏజెంట్ల మాటలు నమ్మి ఆర్థికంగా నష్టపోతున్నారు. విదేశాలకు వెళ్లి సరైన పని దొరకక ఎన్నో పాట్లు పడుతున్నారు. కరీంనగర్, అదిలాబాద్, నిజామాబాద్ ఉమ్మడి జిల్లాలో వందల సంఖ్యలో నిరుద్యోగులు నకిలీ ఏజంట్ల మోసాలకు గురవు తున్నారు. పోలీసులకు ఫిర్యాదు చేయకుండా మధ్యవర్తులతో రాజీ కుదురుస్తున్నారు.

విజిట్ విసా.. కంపెనీ విసా