ATMની સિક્યોરિટી માટે ગયેલા યુવકને બે શખ્સોએ ગળા પર છરી મૂકીને લૂંટી લીધો

યુવકનું અપહરણ કરી તેના જ બાઈક પર ઉપાડી ગયાઃ એક શખ્સ મોબાઈલ પર વાત કરવાના બહાને યુવક પાસે મોબાઈલ માગ્યો હતો

અમદાવાદ, મંગળવાર

માત્ર બે કલાક માટે સિક્યોરિટી ગાર્ડની નોકરી કરવા માટે ગયેલા કોલેજિયન યુવકને લૂંટારુઓએ લૂંટી લીધો હોવાનો ચોંકાવનારો કિસ્સો સામે આવ્યો છે. યુવક નોકરી કરી રહ્યો હતો ત્યારે બે શખ્સો આવ્યા હતા, જેમાંથી એક શખ્સ ફોન પર વાત કરવા યુવક પાસે મોબાઇલ માગ્યો હતો. મોબાઇલ આપતાં બંને શખ્સોએ છરી બતાવીને યુવકનું અપહરણ કરી લીધું હતું અને તેના બાઇક પર બેસીને ઇન્દોર હાઇવે તરફ લઇ ગયા હતા, જ્યાં તેના ગળા પર છરી મૂકીને લૂંટી લીધો હતો.