બજારમાં ગ્રાહકનો સ્વાંગ રચી લોકોને લૂંટતાં ચોર મહિલા-બાળકોનો આતંક

ચોર ટોળકીને પકડવા પોલીસનું ગ્રાહક બનીને પેટ્રોલિંગઃ લાલ દરવાજા માર્કેટ 'હોટસ્પોટ'

અમદાવાદ, સોમવારઃ

દિવાળી આવે એટલે તસ્કરો પણ સક્રિય થઇ જતા હોય છે અને ચોરી કરવા માટે મેદાનમાં આવી જતા હોય છે. દિવાળીના પર્વમાં તસ્કરોનો સૌથી મોટો ટાર્ગેટ ભીડભાડવાળી જગ્યા હોય છે. જ્યાં તે તકનો લાભ લઇને રોક્ડ રકમ, મોબાઇલ ફોન તેમજ કિંમતી ચીજવસ્તુઓની ચોરી કરતા હોય છે. ગ્રાહકનો સ્વાંગ રચીને ચોર મહિલાઓ તેમજ બાળકો ભીડમાં આવી જાય છે અને આસાનીથી પોતાના ઇરાદા પાર પાડે છે. આજ કાલ લાલ દરવાજા ચોર મહિલા અને બાળકો માટે હોટસ્પોટ છે. જ્યાં તે ચોરીની ઘટનાને અંજામ આપે છે.