ભારત-પાકિસ્તાન વચ્ચેની ટી-૨૦ વર્લ્ડકપ મેચ પર રૂ.૨,૦૦૦ કરોડ દાવ પર લાગ્યા

પોલીસની ધોંસથી બચવા બુકીઓ ગુજરાત બહારના રિસોર્ટમાં રવાના

 

અમદાવાદ, શનિવાર

ટી-૨૦ વર્લ્ડકપનો પ્રારંભ થઇ ગયો છે ત્યારે બુકીઓને ફરીથી કમાવા માટેનો અવસર આવી ગયો છે. બુકીઓ અને ખેલીઓ માટે આઇપીએલ જેમ દિવાળી સાબિત થાય છે તેવી જ રીતે ટી-૨૦ વર્લ્ડકપ તેમના માટે કોઇ તહેવારથી કમ નથી. રવિવારે ઓસ્ટ્રેલિયામાં ભારત પાકિસ્તાન વચ્ચે મેચ રમાવા જઇ રહી છે ત્યારે સટ્ટા બજાર ગરમ થયું છે. એક અંદાજ મુજબ રવિવારની મેચમાં અંદાજે બે હજાર કરોડ કરતાં વધુની રકમનો સટ્ટો ગુજરાતમાં રમાય તેવી શક્યતાઓ નકારી શકાતી નથી. એક તરફ બુકીઓ અને ખેલીઓ છે ત્યારે તેમને રોકવા માટે બીજી તરફ પોલીસ અને સુરક્ષા એજન્સીઓ તૈયાર છે.