ચીની નાગરિકો અફઘાનિસ્તાન તાત્કાલિક છોડેઃ ડરેલા ડ્રેગને એડ્વાઈઝરી જારી કરી

પોતાના નાગરિકો પર ઈસ્લામિક સ્ટેટના હુમલાથી ચીન ભયથી ફફડી ઊઠ્યું

કાબુલ, બુધવાર

ચીને પોતાના નાગરિકોને જેમ બને તેમ જલદી અફઘાનિસ્તાન છોડી દેવા માટે સલાહ આપી છે. અફઘાનિસ્તાનના પાટનગર કાબુલમાં ખોફનાક આતંકી સંગઠન ઈસ્લામિક સ્ટેટ (આઈએસ)એ ચીની લોકોની હોટલ પર હુમલો કર્યા બાદ ચીન ભયથી ફફડી ઊઠ્યું છે. ચીને એવા સમયે એડ્વાઈઝરી જારી કરી છે જ્યારે તાલિબાન અફઘાનિસ્તાનની ખાડે ગયેલી અર્થવ્યવસ્થાને બચાવવા માટે સત્તાધીશો વિદેશી રોકાણને આકર્ષવાની કોશિશ કરી રહ્યા છે.