વડા પ્રધાન મોદી આજે વારાણસીમાં રોપ-વે સહિત રૂ. ૧૭૮૪ કરોડનાં વિકાસકાર્યોનું લોકાર્પણ કરશે

વડા પ્રધાન વિશ્વ ટીબી દિવસ પર વારાણસીમાં રુદ્રાક્ષ કન્વેન્શન સેન્ટર ખાતે 'વન વર્લ્ડ ટીબી સમિટ' પર આધારિત ત્રણ દિવસીય કોન્ફરન્સનું સૌપ્રથમ ઉદ્ઘાટન કરશે

વારાણસી, શુક્રવાર

વડા પ્રધાન નરેન્દ્ર મોદી આજે એક દિવસીય પ્રવાસ પર તેમના સંસદીય ક્ષેત્ર વારાણસી પહોંચ્યા છે. વડા પ્રધાન અહીં રૂ. ૧૭૮૪ કરોડ રૂપિયાની યોજનાઓ ભેટમાં આપશે. વડા પ્રધાન નરેન્દ્ર મોદી સવારે ૧૦ વાગ્યે વારાણસી પહોંચ્યા હતા, જ્યાં એરપોર્ટ પર રાજ્યપાલ આનંદીબહેન પટેલ અને મુખ્યપ્રધાન યોગી આદિત્યનાથ તેમનું સ્વાગત કર્યું હતું.