માહોલ ગરમ છેઃ પોલીસ કમિશનર ૧૦૦ ગાડી લઈને દરોડા પાડવા માટે નીકળ્યા

મેગા રેડની અફવાથી દારૂના અડ્ડાઓ ટપોટપ બંધ થઈ ગયા

અમદાવાદ, સોમવાર

શુક્રવારની રાતે પાંચેક કલાક માટે અમદાવાદના તમામ ખૂણે ધમધમતા દારૂના અડ્ડા બંધ થઇ ગયા હતા જેની પાછળનું કારણ એ હતું કે પોલીસ કમિશનર સંજયશ્રી વાસ્તવ ૧૦૦ ગાડી લઇને પોલીસના કાફલા સાથે અડ્ડાઓ પર રેડ કરવાના છે. જ્યારે પણ દારૂડિયા અડ્ડા પર દારૂ લેવા માટે જતા હતા ત્યારે બુટલેગરનો એક જ શબ્દ હતો કે માહોલ ગરમ છે. પોલીસ કમિશનર કાફલા સાથે રેડ પાડવા નીકળ્યા છે. અડ્વાનો માહોલ ગરમ એટલે થયો હતો કે ગૃહ રાજ્યપ્રધાન હર્ષ સંઘવીનું રાજ્યની તમામ જેલમાં રેડ કરવાનું સિક્રેટ ઓપરેશન હતું. જેનાથી ખુદ પોલીસના અધિકારીઓ પણ અજાણ હતા.