ફિર સ્કૂલ ચલે હમઃ શહેરની શાળાઓ વિધાર્થીઓના કલરવથી ગૂંજી ઊઠી

વિધાર્થીઓને કુમકુમ તિલક કરી આવકારાયા તો કેટલીક શાળાઓમાં યજ્ઞ, ગણપતિ અને સરસ્વતી પૂજન કરાયાં

અમદાવાદ, સોમવાર

અમદાવાદ સહિત રાજ્યભરની સરકારી, ગ્રાન્ટેડ અને ખાનગી શાળાઓમાં આજથી નવા શૈક્ષણિક સત્રનો પ્રારંભ થયો છે ત્યારે શાળાઓ વિદ્યાર્થીના કલરવથી ગૂંજી ઊઠી છે. અમદાવાદ શહેરના અંદાજે ધોરણ-૧થી ૧૨માં ૫.૫૦ લાખથી વધુ વિદ્યાર્થીઓનાં નવાં શૈક્ષણિક સત્રનો પ્રારંભ થયો છે. સરકારી અને ગ્રાન્ટેડ શાળાઓની જેમ ખાનગી શાળાઓમાં પણ પ્રવેશોત્સવનું આયોજન કરાયું છે.