સનસ્ક્રીનને લઈને હવે કોઈ મૂંઝવણ ન રાખતા

સ્કિનને સૂર્યનાં હાનિકારક કિરણોથી બચાવવી ખૂબ જરૂરી છે. આમ કરવા માટે સનસ્ક્રીનનો ઉપયોગ સૌથી અસરકારક છે

ગરમીની સિઝનમાં તમારો વોર્ડરોબ બદલાઇ જતો હશે. તમારી કપડાં પહેરવાથી લઇને ખાવાપીવાની અને બધી જ વસ્તુઓ બદલાઇ જાય છે. આ પ્રમાણે તમારે સ્કિનકેર પણ કરવી પડે છે. તડકામાં રહેવાના લીધે તમારી સ્કિન ડલ થઇ શકે છે.

આવા સંજોગોમાં તેનો ખ્યાલ રાખવો ખૂબ જરૂરી છે. સૂરજનાં યુવી કિરણો ત્વચાને ગંભીર નુકસાન પહોંચાડી શકે છે. તેના કારણે સમય પહેલા એજિંગ આવી શકે છે. સનબર્ન કે સ્કિન કેન્સર પણ થઇ શકે છે.