કુબેરનગર કે પછી ‘દિવ-દમણ'? લારીમાં ખલ્લેઆમ વેચાતો દારૂ, ધમધમતો બિયર બાર

સ્ટેટ મોનિટરિંગ સેલની ટીમે છારાનગર ખાતે લારીમાં વેચાતા દારૂ-બિયરનો જથ્થો ઝડપી પાડ્યોઃ પોલીસે રેડ કરીને દારૂડિયા સહિત છ શખ્સને ઝડપી પાડ્યા

અમદાવાદ, મંગળવાર

અમદાવાદના કુબેરનગર વિસ્તારને ‘દિવ-દમણ’ શા માટે કહેવામાં આવે છે તેનો એક જીવતો જાગતો પુરાવો ગત મોડી રાતે સ્ટેટ મોનિટરિંગ સેલ (એસએમસી)ની ટીમે આપ્યો છે. લારીમાં શાકભાજી, ફ્રૂટ, ખાવાની વસ્તુ વેચાતી હોય છે પરંતુ કુબેરનગરના છારાનગરની એક લારીમાં બિયર અને દારૂની બોટલ વેચાય છે. જોઇએ તે બ્રાન્ડનો દારૂ છારાનગરમાં વેચાય છે ત્યારે દારૂડિયા આરામથી દારૂ ઢીંચી શકે તે માટે રીતસરના બાર જેવો માહોલ પણ બુટલેગરોએ ઊભો કર્યો છે. ટેબલ ખુરશી સાથે છારાનગરમાં બિયર બાર ખૂલી ગયા છે. જેનો ઘટસ્ફોટ મોડી રાતે થયો છે.