અમદાવાદીઓને હવે વરસતા વરસાદમાં દાળવડાંની લિજ્જત માણવી મોંઘી પડશે

ખાધતેલના ભાવે લોકોને દઝાડ્યાઃ સિંગતેલના ડબાનો ભાવ રૂ. ૨૮૦૦ની ઉપર જતા મધ્યમવર્ગની કમર તૂટી

અમદાવાદ, શનિવાર

ગુજરાત સહિત દેશભરમાં ચોમાસું દસ્તક દઇ રહ્યું છે. ખાસ કરીને વરસાદ પડે અને તરત જ સ્વાદપ્રિય ગુજરાતી ચોમાસામાં તૈયાર મળતાં દાળવડાં, ભજિયાં, કચોરી, સમોસાં, ગાંઠિયાની લિજ્જત માણવા નીકળી પડે છે. ક્યાંક આ ગરમાગરમ નાસ્તા ઘરે ઘરે પણ બનતા હોય છે. આ દરેક વસ્તુ બનાવવા માટે તેલનો વપરાશ વધી જતો હોય છે. પરિણામે ખરીદીનું પ્રમાણ વધતું રહે છે. હવે ખરીદી નીકળે તે પૂર્વે જ ચોમાસામાં ખાદ્યતેલના ભાવ ફરી એક વખત લોકોને દઝાડી રહ્યા છે.