ધો.૧૨ સાયન્સની પૂરક પરીક્ષાનું ૨૩.૮૬ ટકા પરિણામ

કુલ ૧૧૯૬૭ વિધાર્થીઓએ પૂરક પરીક્ષા આપી હતી જેમાંથી ૧૮૫૫ વિધાર્થીઓ સફળ થયા, વિધાર્થિનીઓએ મેદાન માર્યું

અમદાવાદ, મંગળવાર

ગુજરાત બોર્ડની ધોરણ-૧૨ વિજ્ઞાન પ્રવાહની પૂરક પરીક્ષાનું ૨૩.૮૬ ટકા પરિણામ આજે જાહેર કરવામાં આવ્યું છે. ધોરણ-૧૨ વિજ્ઞાન પ્રવાહનું બોર્ડની વેબસાઈટ www.gseb.org તેમજ વોટ્સઅપ નંબર ૬૩૫૭૩૦૦૯૭૧ પરથી પણ પરીક્ષાર્થી પરિણામ જાણી શકે છે. આ પરીક્ષામાં પાસ થયેલા વિદ્યાર્થી આ વર્ષે જ કોલેજની વિવિધ વિદ્યાશાખામાં પ્રવેશ મેળવી શકશે.

પરીક્ષામાં કુલ ૧૩૭૫૪ વિદ્યાર્થીઓ નોંધાયા હતા. જેમાં ૧૧૯૬૭ વિદ્યાર્થીઓએ પરીક્ષા આપી હતી. તે પૈકી ૧૮૫૫ વિદ્યાર્થીઓ પાસ જાહેર થયા છે. એ ગ્રૂપમાં વિદ્યાર્થીની ટકાવારી ૩૧.૮૯ અને વિદ્યાર્થિનીઓની ૩૫.૪૧ છે. જયારે બી ગ્રૂપમાં વિદ્યાર્થીની ટકાવારી ૨૦.૧૦ અને વિદ્યાર્થિનીઓની ૨૨.૪૪ છે