દક્ષિણ પશ્ચિમ ઝોનમાં સિઝનનો સૌથી વધુ ૨૯ ઈંચ વરસાદ નોંધાયો

શહેરના સાત ઝોન પૈકી દક્ષિણ પશ્ચિમ ઝોનમાં સૌથી વધુ ૨૯ ઈંચ અને પૂર્વ ઝોનમાં સૌથી ઓછો ૨૨.૩૬ ઈંચ વરસાદ પડ્યો

અમદાવાદ, શુક્રવાર

શહેરમાં વરસાદના ત્રીજા રાઉન્ડની વિદાય બાદથી લોકો હવે ચોમાસાના ચોથા રાઉન્ડની રાહ જોઈ રહ્યા છો, જોકે લાંબા સમયથી વરસાદે વિરામ લીધો હોઈ હવામાંના ઊંચા ભેજથી થતો ઉકળાટ-બફારો લોકોને ત્રસ્ત કરી રહ્યો છે. દરમિયાન, પાલડી ખાતેના મ્યુનિ. મધ્યસ્થ કન્ટ્રોલરૂમનાં સૂત્રોના જણાવ્યા મુજબ ચાલુ ચોમાસાની સિઝનમાં જોધપુર, મક્તમપુરા જેવા વોર્ડનો સમાવેશ ધરાવતા દક્ષિણ પશ્ચિમ ઝોનમાં સૌથી વધુ ૨૯ ઈંચ વરસાદ ખાબક્યો છે.