મોતને હરાવીને આવેલી પરિણીતાએ સાસરિયાં સામે કાયદાનું શસ્ત્ર ઉગામ્યું

એક મહિના પહેલાં પરિણીતાએ સાસરિયાંના ત્રાસથી ઝેર પીધું હતુંઃ ઐયાશ પતિ ક્રેડિટ કાર્ડ સ્વાઈપ કરીને જલસા કરતો અને પત્ની પાસે હપતા ભરાવતો હતો

અમદાવાદ, શનિવાર

એક મહિના સુધી જીવનમરણ વચ્ચે ઝોલાં ખાધા બાદ મોતને હરાવીને આવેલી એક પરિણીતાએ સાસરિયાં વિરુદ્ધ ફરિયાદ કરી છે. સાસરિયાંના ત્રાસથી કંટાળીને પરિણીતાએ ઝેર પીને આપઘાત કરવાની કોશિશ કરી હતી. પરિણીતાને પહેલાં એલજી હોસ્પિટલમાં સારવાર માટે ખસેડાઇ હતી. જોકે તેની તબિયત વધુ ખરાબ થતાં તેને એસવીપી હોસ્પિટલમાં ખસેડવામાં આવી હતી. ઐયાશ પતિ ક્રેડિટ કાર્ડ સ્વાઇપ કરીને જલસા કરતો હતો. જેના હપતા પરિણીતા ભરતી હતી. પતિએ પરિણીતાના નામે લોન લઇને ફ્લેટ લેવાની પણ વાત કરી હતી. જોકે પરિણીતાએ લોન લેવાની ના પાડતાં તેના ઉપર હુમલો પણ કર્યો હતો.