મસ્ક, બિલ ગેટ્સ, સત્ય નડેલા સહિતના બિઝનેસમેન અલ કાયદાના નિશાન પર

બિઝનેસમેનની હત્યા કરી અમેરિકાની ઈકોનોમીને પાયમાલ કરવાનું ષડયંત્ર

આતંકવાદી સંગઠન અલ કાયદાને  લઈ એક મોટા સમાચાર સામે આવ્યા છે. અલ કાયદાએ ઈઝરાયલ-હમાસ યુદ્ધ પર અમેરિકાના વલણને લઈ ઉદ્યોગપતિ એલન મસ્ક, બિલ ગેટ્સ અને સત્ય નડેલાની હત્યા કરવાની અને અમેરિકી અર્થવ્યવસ્થાને નિશાન બનાવવાની ધમકી આપી છે. એક મીડિયાની ઓપન સોર્સ ઈન્ટેલિજન્સ ટીમે અલ કાયદા સાથે જોડાયેલા ચેટરૂમના સંદેશાઓની સમીક્ષા કરી તો જાણવા મળ્યું કે આતંકવાદી સંગઠને તેના સમર્થકોને યુએસ, યુકે અને ફ્રેન્ચ કંપનીઓ દ્વારા સંચાલિત ફ્લાઇટ્સ પર હુમલો કરવા વિનંતી કરી છે. આ યાદીમાં અમેરિકન એરલાઇન્સ, કોન્ટિનેન્ટલ, ડેલ્ટા, બ્રિટિશ એરવેઝ, એર ફ્રાન્સ અને એર ફ્રાન્સ-કેએલએમનો સમાવેશ થાય છે.