હવામાનનો યુ-ટર્ન: રાજ્યમાં ઠંડીનો માહોલ જામશે, આજે મોટા ભાગતા જિલ્લાનું લઘુતમ તાપમાન ઘટ્યું

૧૧.૬ ડિગ્રી સાથે કચ્છનું તલિયા રાજ્યનું કોલ્ડેસ્ટ સિટી બન્યુંઃ ડીસામાં ૧૪.૫ ડિગ્રી

અમદાવાદ સહિત રાજ્યભરમાં છેલ્લા ચાર દિવસથી શિયાળાની શરૂઆતે જ ઠંડીએ જાણે વિદાય લઈ લીધી હોય તે પ્રકારે કેટલાક જિલ્લામાં તાપમાન સતત વધતું જતું હતું. અમદાવાદ અને તેની આસપાસના વિસ્તારોમાં લઘુતમ તાપમાન ૨૦ ડિગ્રી સેલ્સિયસ સુધી પહોંચી ગયું હતું. દરિયાકાંઠાના વિસ્તારોમાં તો ૨૩ ડિગ્રી સેલ્સિયસ કરતાં પણ વધુ લઘુતમ તાપમાન નોંધાતું હતું, પરંતુ હવામાન વિભાગની આગાહીં અનુસાર જ રાજ્યના વાતાવરણે જાણે યુ-ટર્ન લીધો હોય તેમ ફરી એક વખત તાપમાનમાં ઘટાડો શરૂ થતાં ઠંડીનો નવો કાતિલ રાઉન્ડ આવશે, જેની અસર ગઇ કાલથી જ વર્તાવાની શરૂઆત થઈ છે.