ડબલ દેશનાં અનેક રાજ્યમાં ઠંડી-ગાઢ ધુમ્મસનો એટેક: દક્ષિણ ભારતનાં રાજ્યોમાં વરસાદનું એલર્ટ

શ્રીલંકાના દરિયાકાંઠે દક્ષિણ પશ્ચિમ બંગાળની ખાડી પરતું નીચા દબાણનું ક્ષેત્ર ખતમ થશે

કોલ્ડવેવના કારણે ઉત્તર ભારતમાં હાડ થીજવતી ઠંડીનો લોકો સામનો કરી રહ્યા છે. પહાડો પર હિમવર્ષા અને દક્ષિણ ભારતનાં રાજ્યોમાં વરસાદને કારણે ઠંડી વધી રહી છે. હવામાન વિભાગે આગામી સમયમાં હજુ પણ વધુ ઠંડી પડવાની આગાહી કરી છે. એક તરફ હિમાચલ પ્રદેશ અને જમ્મુ- કાશ્મીરમાં હિમવર્ષાના કારણે સ્થિતિ ખરાબ છે. હિમાચલના લાહૌલ-સ્પીતિમાં નદીઓ જામી ગઈ છે.

કાશ્મીરનાં મેદાની વિસ્તારોમાં હિમવર્ષા થઈ રહી છે. લદાખ-શ્રીનગર રોડ બ્લોક થઈ ગયો છે, ત્યારે કાતિલ ઠંડી અને વરસાદ અને ધુમ્મસ સહિતના અનેકવિધ વાતાવરણ સામે દેશનાં અનેક રાજ્યો ઝઝૂમી રહ્યાં છે. દક્ષિણ ભારતનાં રાજ્યોમાં પડી રહેલા મુશળધાર વરસાદના પગલે આજે શાળા બંધ રાખવાનું એલાન કરવામાં આવ્યું છે.