પતિએ નવા સ્ટાર્ટઅપની લાયમાં પત્નીને કોર્ટના ધક્કા ખાવા માટે મજબૂર કરી દીધી

પતિએ ત્રણ કંપનીઓ ખોલ્યા બાદ દેવું થઈ જતાં પત્ની પર કોર્ટ કેસ થયાઃ પતિએ પત્નીના દાગીના પણ લઈ લીધા

નવા સ્ટાર્ટઅપની લાયમાં પતિએ પત્નીને કોર્ટના ધક્કા ખાવા માટે મજબૂર કરી દીધી હોવાનો કિસ્સો પ્રકાશમાં આવ્યો છે. પતિએ પત્નીના નામે ત્રણ અલગ અલગ કંપનીઓ ખોલી હતી, જેમાં દેવું થઇ ગયું હતું અને બેન્કની લોન પણ સમયસર ભરી શક્યો નહીં, જેના કારણે પત્ની વિરુદ્ધ કોર્ટમાં કેસો થયા હતા. આ સિવાય બેન્કની લોન અને કંપનીનું દેવું ભરવા માટે પતિએ પત્ની પાસે હીરાના દાગીના પણ માગ્યા હતા.