జగన్ పర్యటన ముందు కనిపించని టాస్కులు

• గతంలో విపక్షాలకు ధీటుగా కార్యక్రమాల నిర్దేశం • ఎన్నికల ముందు ధీమా ఏమిటంటున్న సీనియర్లు

• గతంలో విపక్షాలకు ధీటుగా కార్యక్రమాల నిర్దేశం

• ఎన్నికల ముందు ధీమా ఏమిటంటున్న సీనియర్లు

• తాజా పర్యటన ముందు నేతలకులేని సూచనలు 

• జగన్ తిరిగి రాగానే సమ్ థింగ్ అనే ఊహాగానాలు

• ముందస్తు ఎన్నికల ప్రకటనుండొచ్చంటున్న నేతలో

జె. కామేశ్వరరావు 9949912714

ఆంధ్రప్రదేశ్ ముఖ్యమంత్రి జగన్ మోహన్ రెడ్డి విదేశీ పర్యటకు రెడీ అయ్యా రు. సీబీఐ న్యాయ స్థానం నుంచి కూడా అనుమతి రావటంతో ఇక ఆయన ఫ్లైట్ ఎక్కటమే తరువాయని పార్టీ వర్గాలు చెబుతున్నాయి. విదేశీ పర్యటనకు వెళుతున్న ముఖ్యమంత్రి జగన్ మోహన్ రెడ్డి తిరిగి రాగానే ఏదో అద్భుతం జరుగుతుందనే అభిప్రాయంలో పార్టీ వర్గాలు ఉన్నాయి. ముఖ్యమంత్రి విదేశీ పర్యటన ఇంకా ప్రారంభం కాకుండానే ఆయన తిరిగి రాగానే సమ్ థింగ్ అనే ఊహాగానాలు మాత్రం పార్టీలో హైవ్ను క్రియేట్ చేస్తున్నాయి. పార్టీ వర్గాలు కూడా ఇదే విషయం పై చర్చిస్తున్నాయి. ఎన్నికలకు సంబంధించిన హీట్ ఇప్పటికే తెలుగు రాష్ట్రాల్లో వచ్చేసింది. డిసెంబర్లో తెలంగాణా ఎన్నికలు జరుగుతాయని ఆ వెంటనే ఆంధ్రప్రదేశ్ ఎన్నికలు ఉంటాయి అనేది అందరికి తెలిసిందే. కానీ అంతకన్నా ముందే ఆంధ్రప్రదేశ్లో కూడా ఎన్నికలు జరిగే ఛాన్స్ లేకపోలేదనే ప్రచారం ఊపందుకుంది.