నారా భువనేశ్వరి ఫేక్ ఆడియోపై ఈసీకి తెలుగుదేశం పార్టీ ఫిర్యాదు

నారా భువనేశ్వరి మాట్లాడినట్లు ఫేక్ ఆడియో సృష్టించి నీచ రాజకీయాలకు తెర లేపిన వైసీపీ సోషల్ మీడియా

ఎన్నికల్లో గెలవలేమని తెలిసి దిగజారుడు రాజకీయాలు మొదలుపెట్టిన వైసీపీ

జగన్ రెడ్డికి ధైర్యముంటే ఎన్నికల కురుక్షేత్రంలో మాతో తలపడాలి 

ఓటర్లను ప్రభావితం చేసేలా ఫేక్ ఆడియోలు, వీడియోలు సృష్టించి తప్పుడు వార్తలు ప్రచారం చేస్తున్నవారిపై కఠిన చర్యలు తీసుకోవాలి

టీడీపీ నేతలు వర్ల రామయ్య, దేవినేని ఉమా

అమరావతి, సూర్య ప్రధాన ప్రతినిధి : ఎన్నికల్లో లబ్ది పొందేందుకు దళితులను నారా భువనేశ్వరీ తిట్టినట్లు ఫేక్ ఆడియోను సృష్టించి వారిని, దానిని సామాజిక మాధ్యమాల్లో ప్రచారం చేస్తున్న వైసీపీ సోషల్ మీడియాపై ఎన్నికల కమిషన్కు తెలుగుదేశం పార్టీ పోలిట్ బ్యూరో సభ్యులు వర్ల రామయ్య, మాజీ మంత్రివర్యులు దేవినేని ఉమామహేశ్వరరావు ఫిర్యాదు చేశారు. ఓటర్లను ప్రభావితం చేసేలా దిగజారుడు ప్రచారాలు చేస్తున్నవారిని కనిపెట్టి కఠిన చర్యలు తీసుకోవాలని రాష్ట్ర ఎన్నికల ప్రధాన అధికారి ముకేష్ కుమార్ మీనాను టీడీపీ నేతలు కోరారు. అనంతరం నిర్వహించిన విలేకరుల సమావేశంలో వర్ల రామయ్య, దేవినేని ఉమా పాల్గొన్నారు.