அத்தியட்சகர் விவகாரத்தில் குழப்பம்: வெளியேறினார் வைத்தியர் அர்ச்சுனா

சாவகச்சேரி வைத்தியசாலைக்கு திங்கட்கிழமை (15) காலை சென்ற வைத்தியர் அர்ச்சுனா, வைத்தியசாலை வளாகத்தில் நிலவிய குழப்பமான சூழ்நிலையை அடுத்து அங்கிருந்து வெளியேறினார்.

சாவகச்சேரி ஆதார வைத்தியசாலைக்கு, பதில் வைத்திய அத்தியட்சகராக முன்னர் இருந்த இராமநாதன் அர்ச்சுனா, வருகைதந்தமையால் குழப்பமான நிலைமையொன்று அங்கு ஏற்பட்டது.

சாகவகச்சேரி வைத்தியசாலை அத்தியட்சகர் அலுவலகத்தில் வைத்திய அத்தியட்சகர் யார்? என்பது தொடர்பில் இராமநாதன் அர்ச்சுனாவும் கோபால மூர்த்தி ரஜீவ்வும் நீண்ட விவாதத்தில் ஈடுபட்டனர்.

இந்நிலையில் பொலிஸார் தலையிட்டு சுமூகமான நிலையை ஏற்படுத்த முயன்றனர்.